Gratis kvalitetsdataspel

Oppdatering 2009-07-08

Denne nettstaden er no offisielt lagt ned, eller i det minste lagt i koma. Eg vil ikkje komma med nokon nye omtalar framover. Dei gode nyheitene er at eg lèt alle dei gamle spelomtalane ligga oppe, og eg har sjekka og retta alle lenkjene, slik at det ikkje skal vera noko problem å lasta ned alle spela. Les gjerne òg historien bak Gratis kvalitetsdataspel, og send meg ein e-post om det er noko du lurer på.

Sist oppdaterte spel

Det sist oppdaterte spelet på denne sida heiter Super Methane Brothers, og kan beskrivast slik: Kjempekult Bubble Bobble-liknande spel med flott grafikk og lyd. [Full omtale]

Siste fem nye eller oppdaterte spel

2005-02-19 (oppdatert) – Super Methane Brothers

Kjempekult Bubble Bobble-liknande spel med flott grafikk og lyd.

2004-12-21 – Klabutong

Hjelp nissen å få alle gåvene oppi sleden, som han har komme i skade for å parkera for langt frå nisseverkstaden.

2004-12-20 – Zwarte Piet

Du spelar den nederlandske nissens hjelpar, Svarte-Peter, og fer rundt oppå hustaka med julegåver og peparkaker til ungane.

2004-08-11 – I Have No Tomatoes

Har du ti minutt til overs? Kor mange tomatar klarar du å knusa på desse minutta?

2004-06-13 – The Apprentice

Etter lang tid som trollmannens læregut får du endelig læra din første trylleformel. Du må berra samla saman alle dei nødvendige ingrediensane først …

 

Om nettstaden

Hei, hei! Her har eg laga ein liten nettstad med omtalar av 77 gratis PC-spel av høg kvalitet. Alle spela er heilt gratis og lovlige, altså ikkje «shareware» eller «abandonware». I tillegg er dei so gode at eg ikkje ville ha nølt med å gje alle terningkast 5 eller 6. Meir informasjon finn du på informasjonssida.

Omtalane er plasserte under forskjellige kategoriar. Det er litt overlapping (eitt spel kan vera under fleire kategoriar). Håpar det gjer det lettare å finna den type spel du vil ha.

Gratis kvalitetsdataspel-nettstaden er skriven og utforma av Karl Ove Hufthammer. Eg set alltid pris på kommentarar, kritikk og tips.