Gratis kvalitetsdataspel
The Breakdown
Oppdatering 2009-07-08
Denne nettstaden er no offisielt lagt ned, eller i det minste lagt i koma. Eg vil ikkje komma med nokon nye omtalar framover. Dei gode nyheitene er at eg lèt alle dei gamle spelomtalane ligga oppe, og eg har sjekka og retta alle lenkjene, slik at det ikkje skal vera noko problem å lasta ned alle spela. Les gjerne òg historien bak Gratis kvalitetsdataspel, og send meg ein e-post om det er noko du lurer på.
Introduksjon
Du oppdagar tilfeldigvis ein gammalt lotterilodd du hadde gløymt du hadde. Og det er eit vinnarlodd! 50 000 dollar er det verdt, men du må levera det innan klokka 20:00 i kveld. Du legg i veg, men bilen din bryt saman midt i ørkenen. Korleis skal dette gå‽
Eit eventyrspel
Dette er eit standard «peik og klikk»-eventyrspel, med eit godt, gammaldags ikonbasert grensesnitt. Du skal gå rundt, plukka opp ting og bruka desse til løysa oppgåver, og forhåpentligvis klara å få bilen din i orden før det for seint …
Grafikk og lyd
Grafikken i The Breakdown er teikneserieaktig, og kjempebra teikna og fargelagt. Imponerande! Det einaste eg kanskje kan setta fingeren på, er at det er litt lite animasjonar nokre plassar, for eksempel når du plukkar opp ting, og at skrifttypen brukt er altfor liten.
Imponerande er òg musikken. Intromusikken er faktisk so tøff at du kan lasta han ned separat for å innlemma han i musikksamlinga di, om du vil.
Vanskelig
Spelet har undertittelen «A Snack-Sized Adventure Game», og er altso rimelig kort. Men eg syntest faktisk det var litt vanskelig, so det varte lenge likevel. Kjekt! ☺
Konklusjon
Flott grafikk, flott musikk og utfordrande oppgåver å løysa: Dette er eit kjempegodt spel! Det er varmt anbefalt alle tilhengarar av eventyrspel.
Bilde
Spelinformasjon
- Versjon
- 0.99
- Forfattar
- Jouni Utriainen
- Heimesida
- The Breakdown
- Kort beskriving
- Kort, men kjempegodt eventyrspel. Du er stranda i ørkenen med havarert bil. Klarer du å få han fiksa før det blir kveld?
Kategoriar spelet er med i
- Actionfrie spel (19)
- Eventyr- og rollespel (11)
- Tenkespel (26)
The Breakdown vart først omtalt 2003-06-20.
