Gratis kvalitetsdataspel
Jetpack
Oppdatering 2009-07-08
Denne nettstaden er no offisielt lagt ned, eller i det minste lagt i koma. Eg vil ikkje komma med nokon nye omtalar framover. Dei gode nyheitene er at eg lèt alle dei gamle spelomtalane ligga oppe, og eg har sjekka og retta alle lenkjene, slik at det ikkje skal vera noko problem å lasta ned alle spela. Les gjerne òg historien bak Gratis kvalitetsdataspel, og send meg ein e-post om det er noko du lurer på.
Introduksjon
I dette spelet fyk du rundt med ein rakettmotor på ryggen. Spennande …
Sjølvsagt har denne fykinga ei meining òg. Du er nemlig på jakt etter smaragdar. Men om du finn andre skattar òg, er dette heller ikkje å forakta! Dessverre er det som vanlig ymse fiendar – alt frå smarte robotar til rullande steinar – som vil hindra deg i dette. Og det er då rakettmotoren kjem til nytte. I tillegg til rakettmotor, har du òg eit kraftig våpen du kan skjera gjennom stein med.
Grafikk og lyd
Musikken er ikkje-eksisterande og lyden består av små, men velvalte lydeffektar av OK kvalitet. Grafikken er grei, men ber preg av at spelet først kom ut i 1993.
Gratis!
Då spelet først kom ut, var det som «shareware», og det vart ein enorm suksess. I 1998 var spelet begynt å bli gammalt, og begge speldistributørane som før hadde distribuert spelet, fanst ikkje lenger. Forfattaren bestemte seg då for å gje vekk spelet gratis, noko me alle er glade for!
Konklusjon
Ikkje det beste når det gjeld grafikk og lyd, men det er gøy. Det er grunnar til at spelet vart so populært som det vart. Ein av desse er kanskje det medfølgjande brettredigeringsprogrammet (du kan laga eigne brett), men òg spelet sjølv er veldig spelverdig. Det følgjer forresten med kjempemange brett. I tillegg finn du endå fleire på heimesida til spelet.
Bilde
Spelinformasjon
- Versjon
- 1.5
- Forfattar
- Adam Pedersen, med fleire
- Heimesida
- Jetpack
- Kort beskriving
- Fyk rundt med ein rakett på ryggen og saml smaragdar …
Kategoriar spelet er med i
- Flyspel (5)
- Plattformspel (17)
- Skytespel (21)
Jetpack vart først omtalt 2000-02-26.
